Vevring Grendalag, Naustdal

Vevring har kommunal barnehage, som også har SFO - avdeling. Vevring har eigen skule, frå 1. til 7. klasse. Skulen er tredelt, og ein har gode lærar ved skulen. Skulen har kring 30 elevar. Bygda har også eiga kyrkje, der det jamleg vert halde gudstenester. Vevring er ei jordbruksbygd, og dei fleste gardane er framleis i drift. Etterkvart som inntektene i jordbruket har gått ned har mange skaffa seg arbeid utanfor bruket, mange dagpendlar til Førde og Florø for å kome seg til arbeid. Vevring er ei aktiv bygd. Vi har fotball, aerobic, barnekor, grendalag, helselag, vevringutstillinga, fjordfiskarlag, Tae Kwon Do, linedance, rideklubb, søndagsskule og misjonsforeining. Vevringutstillinga, som vert arrangert kvar haust, rundt 20. september, har gjort Vevring kjent både i inn og utland. Arrangementet har vore i bygda årleg sidan 1979, og ein har hausta mykje ros for dette. For nokre år sidan fekk Vevringutstillinga fylkeskulturprisen. Bygda har etterkvar fått ein fantastisk skulpturpark, som m.a. er utarbeidd av steinkunstnarane Bård Breivik og Claes Hake.

• Møbel
• Fotball
• Aerobic
• Barnekor
• Rideklubb
• Linedance
• Tae Kwon Do
• Grendalag
• Dansebutikk
• Helselag
• Vevringutstillinga
• Fjordfiskarlag
• Søndagsskule
• Misjonsforeining
• Skulpturpar